CLXX.

1339, Juni 11. Avignon.

Papst Benedict XII. trägt dem Official zu Breslau auf, gewisse Juden zu Strehlen in einem mit dem Kloster vorhabenden Wuchergeschäfte von weiteren Forderungen abzuhalten.

Benedictus episcopus servus servorum dei dilecto filio . . officiali Wratislavienei salutem et apostolicam benedictionem. Conquesti sunt nobis . . abbas et conventus monasterii in Camentz ordinis Cisterciensis ordinis Wratislaviensis diocesis, quod Jordanus et Echardus de Strelin iudei et Symocha relicta quondam Muschonis Parvi dicti de Strelin iudei, vidua iudea dicte diocesis non solum de usuris, quas quondam dictus Muscho iudeus, cuius ipsi heredes existunt, ab eis dum viveret extorsit, sibi satisfacere indebite contradicunt, licet ad eos lucra huiusmodi pervenerint usurarum, verum etiam ipsi multa extorserunt et adhuc extorquere nituntur ab eis per ususariam pravitatem. Ideoque discretioni tue per apostolica scripta mandamus, quatinus, si est ita, dictos iudeos et iudeam, ut sua sorte contenti sic extorta restituant conquerentibus et ab usurarum exactione desistant, monitione premissa per subtractionem, communionis fidelium appellatione remota com­pellas. Testes autem, qui fuerint nominati, si se gratia odio vel timore subtraxerint, per censuram ecclesiasticam appellatione cessante compellas veritati testimonium perhibere. Datum Avinione III. Idus Iunii pontificatus nostri anno quinto.
Pro P. de Camp. . . . . . Sinibaldus.

Or. Perg. An einem Bindfaden die Bleibulle.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.